Man Ray

Dr Man Ray [mæn reɪ] (* 27. August 1890 z Philadelphia, Pennsylvania; † 18. Novämber 1976 z Baris; eigetlig Emmanuel Rudnitzky oder Emmanuel Radnitzky) isch e amerikanische Fotigraf, Filmregisseur, Mooler und Objektkünstler gsi. Dr Man Ray zelt zu de bedütende Künstler vom Dadaismus und vom Surrealismus. Er wird aber wäge dr Vilschichtigkeit vo siim Wärk allgemein dr Modärne zuegordnet. Er het dr modärne Fotografii und Filmgschicht bis zum Experimentalfilm wichdigi Aastöss gee. Er het e Hufe Porträtfotografie vo zitgenössische Künstler gmacht, wo d Hochphase vom kulturelle Läbe im Baris vo de 1920er Johr dokumentiert het.